ശശിധരൻ പുഷ്പവല്ലി ദമ്പതികൾക്ക് സേവാഭാരതി കൃഷ്ണപുരം പൂർത്തീകരിച്ച വീടിന്റെ ഗൃഹ സമർപ്പണവും, താക്കോൽ ദാനവും

കൃഷ്ണപുരം പഞ്ചായത്തു ഒന്നാം വാർഡിൽ ദേശത്തിനകത്തു ആദിക്കാട്ടു വീട്ടിൽ ശശിധരൻ പുഷ്പവല്ലി ദമ്പതികൾക്ക് സേവാഭാരതിയുടെ തലചായ്ക്കാനൊരിടം പദ്ധതിയിൽ ഉൾപ്പെടുത്തി പൂർത്തീകരിച്ച വീടിന്റെ ഗൃഹ സമർപ്പണവും, താക്കോൽ ദാനവും 07.01.2024 രാവിലെ പത്തു മണിക്ക് രാഷ്ട്രീയ സ്വയം സേവക സംഘം ക്ഷേത്രീയ സഹകാര്യവാഹ്‌ മാനനീയ എം രാധാകൃഷ്ണൻ നിർവഹിച്ചു. ഇവരുടെ വീടിന്റെ അവസ്ഥ വളരെ ശോചനീയമായിരുന്നു, പ്ലാസ്റ്റിക് ഷീറ്റുകളാൽ മൂടപ്പെട്ട് ചോർന്നൊലിക്കുന്ന നിലാപൊത്താറായ ഒറ്റമുറി വീട്ടിലായിരുന്നു, പ്രായപൂർത്തിയായ രണ്ടു പെൺമക്കളും ദമ്പതികളും താമസിച്ചു വന്നത്.

കൃഷ്ണപുരം സേവാഭാരതി പ്രസിഡന്റ് ശ്രീ കുഴിത്തറ രാജേന്ദ്രൻ അധ്യക്ഷത വഹിച്ച ചടങ്ങിൽ ദേശീയ സേവാഭാരതി ആലപ്പുഴ ജില്ലാ പ്രസിഡണ്ട് ഡോ എം സതീഷ് ഭാരതാംബയുടെ ഫോട്ടോ ദമ്പതികൾക്ക് സമർപ്പിച്ചു, രാഷ്ട്രീയ സ്വയം സേവകസംഘം ജില്ലാ സഹകാര്യവാഹ് എസ് സതീഷ് കൃഷ്ണ വിഗ്രഹവും സമർപ്പിച്ചു , സേവാഭാരതി ജോയിന്റ് സെക്രട്ടറി ശ്രീമതി സിന്ധു നിലവിളക്കും സമർപ്പിച്ചു. കൃഷ്ണപുരം സേവാഭാരതി സെക്രട്ടറി എൻ ഹർഷകുമാർ തുളസി തൈയ് സമർപ്പണവും നടത്തി. ദേശീയ സേവാഭാരതി ആലപ്പുഴ ജില്ലാ ജനറൽ സെക്രട്ടറി ശ്രീ ശ്രീജിത്ത് യോഗത്തിൽ സേവാസന്ദേശം നൽകി. സേവാഭാരതിയുടെയും, രാഷ്ട്രീയ സ്വയം സേവകസംഘത്തിന്റെയും ഒട്ടനവധി പ്രവർത്തകർ ചടങ്ങിൽ സംബന്ധിച്ചു.