നാഗ്പൂർ: രാഷ്ട്രീയ സ്വയംസേവക സംഘത്തിന്റെ ഈ വർഷത്തെ സമന്വയ ബൈഠക്ക് 14 മുതൽ 16 വരെ മഹാരാഷ്ട്രയിലെ പൂനെയിൽ ചേരും. ബൈഠക്കിൽ സർസംഘചാലക് ഡോ. മോഹൻഭാഗവത്, സർകാര്യവാഹ് ദത്താത്രേയ ഹൊസബാളെ, അഞ്ച് സഹകാര്യവാഹുമാർ , മറ്റ് അഖില ഭാരതീയ കാര്യകർത്താക്കൾ എന്നിവർ പങ്കെടുക്കുമെന്ന് അഖില ഭാരതീയ പ്രചാർ പ്രമുഖ് സുനിൽ ആംബേക്കർ അറിയിച്ചു.
രാഷ്ട്ര സേവിക സമിതി, വനവാസി കല്യാൺ ആശ്രമം, വി എച്ച് പി, എബിവിപി, ബിജെപി, ഭാരതീയ കിസാൻ സംഘ്, ബി എം എസ്, സേവാഭാരതി തുടങ്ങിയ 36 വിവിധ ക്ഷേത്ര സംഘടനകളുടെ പ്രതിനിധികൾ ബൈഠക്കിൽ പങ്കെടുക്കും. കഴിഞ്ഞ വർഷം ഛത്തീസ്ഗഡിലെ റായ്പൂരിലായിരുന്നു സമന്വയ ബൈഠക്ക് നടന്നത്.
സാമൂഹിക ജീവിതത്തിന്റെ വിവിധ മേഖലകളിൽ സംഘടനകളുടെ പ്രവർത്തനവും അനുഭവങ്ങളും ബൈഠക്കിൽ ചർച്ച ചെയ്യും. രാജ്യത്തിന്റെ നിലവിലെ സാഹചര്യങ്ങൾ, സാമൂഹിക ഐക്യം, പരിസ്ഥിതി, കുടുംബ പ്രബോധനം . സേവന പ്രവർത്തനം, സാമൂഹിക, സാമ്പത്തിക, ദേശീയ സുരക്ഷ തുടങ്ങിയ വിഷയങ്ങൾ ബൈഠക്കിൽ ചർച്ച ചെയ്യുമെന്ന് സുനിൽ ആംബേക്കർ അറിയിച്ചു.
