ബെയ്‌റൂട്ട്: കൊടും ഭീകര സംഘടനയായ ഐഎസിന്റെ തലവന്‍ അബു ഹുസൈന്‍ അല്‍ ഹുസൈനി അല്‍ ഖുറേഷി കൊല്ലപ്പെട്ടെന്ന് സ്ഥിരീകരിച്ചു. ഇസ്ലാമിക് സ്റ്റേറ്റ് തന്നെയാണ് അബു ഹുസൈന്‍ അല്‍-ഹുസൈനി അല്‍-ഖുറൈഷിയുടെ മരണം സ്ഥിരീകരിച്ചത്. പകരം അബു ഹഫ്‌സ് അല്‍ ഹഷിമി അല്‍ ഖുറേഷിയെ പുതിയ മേധാവിയായി തെരഞ്ഞെടുത്തതായി അന്തര്‍ ദേശീയ മാധ്യമങ്ങളായ റോയിറ്റേഴ്സ്, അല്‍ ജസീറ ഉള്‍പ്പെടെയുള്ള മാധ്യമങ്ങള്‍ റിപ്പോര്‍ട്ട് ചെയ്തു.
വടക്കുപടിഞ്ഞാറന്‍ സിറിയയില്‍ ഹയാത് താഹ്‌റിര്‍ അല്‍ ഷാം എന്ന ജിഹാദി വിഭാഗവുമായി നടന്ന ഏറ്റുമുട്ടലിലാണ് അല്‍ ഹുസൈനി കൊല്ലപ്പെട്ടതെന്ന് ഐഎസ് അറിയിച്ചു. തുര്‍ക്കി പ്രസിഡന്റ് എര്‍ദോഗന്‍ ഏപ്രിലില്‍ ഇയാളെ സിറിയയില്‍ വച്ച് കൊലപ്പെടുത്തിയെന്ന് അവകാശപ്പെട്ട് രംഗത്ത് വന്നിരുന്നു.
ഇസ്ലാമിക് സ്റ്റേറ്റിന്റെ തലവനായി മാറുന്ന അഞ്ചാമത്തെയാളാണ് അബു ഹാഫിസ് അല്‍ ഹാഷിമി അല്‍ ഖുറേഷി. ഇതിന് മുന്‍പുള്ള നാല് പേരും കൊല്ലപ്പെടുകയായിരുന്നു.
Discussion about this post