1924 ജനുവരി 16 ന് (1099 മകരം 3-ാം തീയതി) വെളുപ്പിനു മൂന്നുമണിക്ക്, പല്ലനയാറ്റിൽ ട്രാവൻകൂർ ആന്റ് കൊച്ചിൻമോട്ടോർ സർവ്വീസ് വക റെഡീമർ എന്നുപേരുള്ള ഒരു ബോട്ടുമറിഞ്ഞുണ്ടായ അപകടത്തിലാണ് മഹാകവി കുമാരനാശാൻ മരണപ്പെട്ടത് .
51 വയസ്സേ അപ്പോൾ അദ്ദേഹത്തിനുണ്ടായിരുന്നുള്ളൂ.
ദുരൂഹമാണ് ഇന്നും അപകടകാരണങ്ങൾ …
ഏറനാട്ടിൽ ഒഴുകിപ്പരന്ന ഹൈന്ദവ സഹോദരങ്ങളുടെ രക്തത്തിൽ ഹൃദയം തൊട്ട് ആശാൻ എഴുതിയ ദുരവസ്ഥ അതിന് ഒരു കാരണമാണ് എന്ന പക്ഷമുണ്ട്.
മാറ്റുവിൻ ചട്ടങ്ങളെ എന്ന് അന്നത്തെ ദുസ്സഹമായ വ്യവസ്ഥിതിക്കെതിരെ വിരൽ ചൂണ്ടി ഗർജിച്ച നവോത്ഥാന കവി…. രാഗം മാംസനിബദ്ധമല്ലെന്ന് എല്ലാ തലമുറയിലെയും യുവതയെ ഉദ്ബോധിപ്പിച്ച വേദാന്ത കവി …. ശ്രീ ഭൂവിലസ്ഥിരയെന്ന് ആർത്തി പൂണ്ടുഴലുന്ന ലോകത്തോട് വീണപൂവിനെ ചൂണ്ടി ഉദ്ബോധിപ്പിച്ച ഗുരു കവി, ജാതി ചോദിക്കുന്നില്ല ഞാൻ സോദരീ, ചോദിക്കുന്നു നീർ നാവ് വരണ്ടഹോ എന്ന് ജാതി കടന്നശുദ്ധമാക്കിയ മലയാള നാടിന്റെ ദു:സ്ഥിതിയെ കാലത്തിന് മുന്നിൽ തുറന്നു കാട്ടിയ ഋഷികവി…. ക്രൂരമുഹമ്മദർ ചിന്തുന്ന ഹൈന്ദവച്ചോരയാൽ ചോന്നെഴുമേറനാട്ടിൽ കവിതയുടെ കരുത്തുകൊണ്ട് നൂറ്റാണ്ടിന്റെ പോരാട്ടം കാലങ്ങൾക്ക് മുമ്പേ നയിച്ച വിപ്ളവകവി ….
മതപരിവർത്തന രസവാദത്തിലൂടെയും ശ്രീനാരായണ ധർമ്മ പരിപാലനത്തിലൂടെയും സ്വധർമ്മരക്ഷ ദൗത്യമാക്കിയ കുമാരകവി …..
സ്നേഹമാണഖിലസാരമൂഴിയിൽ സ്നേഹ സാരമിഹ സത്യമേകമാം എന്ന് പ്രപഞ്ച തത്വത്തെ നിരൂപിച്ച ദാർശനിക കവി…
സ്വാതന്ത്ര്യം തന്നെ അമൃതം സ്വാതന്ത്ര്യം തന്നെ ജീവിതം പാരതന്ത്ര്യം മാനികൾക്ക് മൃതിയേക്കാൾ ഭയാനകം എന്ന് മലയാളിക്ക് സ്വാതന്ത്ര്യ ഗീത പകർന്ന പ്രവാചക കവി…”
Discussion about this post