ന്യൂദൽഹി:ഭാരതീയ മസ്ദൂർ സംഘത്തിന്റെ (ബിഎംഎസ്) ഒരു വർഷം നീണ്ടുനിന്ന സപ്തതി ആഘോഷം ചടങ്ങല്ല, വന്ന വഴികൾ നോക്കാനും ആത്മപരിശോധന നടത്താനുമുള്ള അവസരമാണെന്ന് ആർഎസ്എസ് സർസംഘചാലക് ഡോ. മോഹൻ ഭാഗവത്. ബിഎംഎസ് എങ്ങനെ ആരംഭിച്ചു, അതിന് പ്രചോദനമായത് എന്താണ്, എന്ത് നേടി, എന്താണ് ഇനി മുന്നിലുള്ളത് തുടങ്ങിയതെല്ലാം ചർച്ചയാകണം. ഇത് മൂല്യങ്ങളാലും ദർശനത്താലും പ്രചോദിതമായ ഒരു പ്രസ്ഥാനമാണെന്ന് അദ്ദേഹം ചൂണ്ടിക്കാട്ടി. ഇന്ദിരാഗാന്ധി സ്റ്റേഡിയത്തിലെ കെഡി ജാദവ് റസ്ലിങ് ഹാളിൽ ഭാരതീയ മസ്ദൂർ സംഘത്തിന്റെ (ബിഎംഎസ്) 70-ാമത് വാർഷികാഘോഷത്തിൻ്റെ സമാപന പരിപാടിയിൽ സംസാരിക്കുകയായിരുന്നു സർസംഘചാലക്.
“ബിഎംഎസ് എന്ന പേരിൽ ദത്തോപന്ത് ഠേംഗ്ഡിജി ഈ സംഘടന സ്ഥാപിക്കുന്നതിന് മുമ്പ് അദ്ദേഹം നിരവധി തൊഴിലാളി സംഘടനകളുമായി ബന്ധപ്പെട്ടിരുന്നു. അക്കാലത്ത് ബിഎംഎസ് ഒരു ചെറിയ സംഘടനയായിരുന്നു. മറ്റ് യൂണിയനുകളിൽ നിന്നുള്ള ആളുകൾ ‘നിങ്ങളുടെ കാവി പതാക ഈ മേഖലയിൽ ഉയരില്ല’ എന്ന് പരിഹസിച്ച കാലമാണത്. ‘തൊഴിലാളികളേ, ലോകത്തെ ഒന്നിപ്പിക്കൂ’ എന്ന നമ്മുടെ ആശയത്തെ അവർ ചോദ്യം ചെയ്തു – തൊഴിലാളികൾക്ക് എങ്ങനെ ഇങ്ങനെ ചിന്തിക്കാൻ കഴിയുമെന്ന് ചോദിച്ചു? എന്നാൽ ഇന്ന്, 70 വർഷങ്ങൾക്ക് ശേഷം, ഠേംഗ്ഡിജി ജിയുടെ ദർശനം ശരിയാണെന്ന് തെളിയിക്കപ്പെട്ടിരിക്കുന്നു. ബിഎംഎസ് കാര്യകർത്താക്കളുടെ അക്ഷീണ പരിശ്രമത്തിലൂടെയാണ് അത് സാധ്യമായത്, മോഹൻ ഭാഗവത് പറഞ്ഞു.
1980-ൽ, ഒരു ബിഎംഎസ് കൺവെൻഷനിൽ, അന്ന് അറിയപ്പെടുന്ന കമ്മ്യൂണിസ്റ്റായ ഡോ. എം.ജി. ഗോഖലെ പങ്കെടുത്തു. ആർഎസ്എസ് ശാഖ അദ്ദേഹത്തിന്റെ വീടിനു മുന്നിൽ നടന്നിരുന്നു. അവരുമായുള്ള ആശയവിനിമയത്തിലൂടെ അദ്ദേഹം സംഘത്തിന്റെ ചിന്തകളുമായി അടുക്കാൻ തുടങ്ങി. പൂർണ്ണമായ കാഴ്ചപ്പാടുള്ളതും എന്നാൽ ഒരു സംവിധാനമില്ലാത്തതുമായ ഒരേയൊരു സംഘടന ബിഎംഎസ് ആണെന്ന് അദ്ദേഹം അഭിപ്രായപ്പെട്ടു. ദത്തോപന്ത് ജി വിനയപൂർവ്വം അത് സമ്മതിച്ചു, നമ്മുടെ പ്രത്യയശാസ്ത്രം നല്ലതായിരിക്കാം, പക്ഷേ നമ്മുടെ പ്രവർത്തന രീതിശാസ്ത്രം ഇതുവരെ അതിനോട് പൂർണ്ണമായും യോജിപ്പിച്ചിട്ടില്ല, കാരണം നമ്മൾ പ്രവർത്തിക്കുന്ന സംവിധാനങ്ങൾ അടയാളപ്പെടുത്താൻ കഴിയുന്നതല്ല. നമ്മുടെ ദർശനവും പ്രവർത്തനവും യോജിപ്പിക്കുന്നതിന് നാം സിസ്റ്റത്തെ തിരുത്തേണ്ടതുണ്ടെന്ന് ഠേംഗ്ഡിജി പറഞ്ഞു. എന്നാലിന്ന്, നമ്മൾ ആ ഘട്ടത്തിലെത്തിയിരിക്കുന്നു, ഡോ. മോഹൻ ഭാഗവത് പറഞ്ഞു.
സനാതന ധർമ്മത്തിൽ, ജീവിതത്തിന്റെ നാല് തൂണുകളിൽ ഒന്ന് പരിശ്രമം (കഠിനാധ്വാനം) ആണ്. ലോകത്തിന് പുതിയതും ശാശ്വതവുമായ ഒരു മാതൃക നൽകാൻ ബിഎംഎസ് പരിശ്രമിച്ചു. കാലം മാറുന്നതിനനുസരിച്ച്, ഈ യുഗത്തിന് അനുയോജ്യമായ ഒരു മാതൃക നാം വികസിപ്പിക്കുകയും അവതരിപ്പിക്കുകയും വേണം. ആദ്യ തലമുറ പ്രവർത്തനം ആരംഭിച്ചതുപോലെ, രണ്ടാമത്തെ തലമുറ അത് നിലനിർത്തിയതുപോലെ, ഇപ്പോൾ മൂന്നാമത്തെയും നാലാമത്തെയും തലമുറകൾ അത് എന്തുകൊണ്ട്, എങ്ങനെ തുടരുന്നു എന്ന് മനസ്സിലാക്കിയതുപോലെ ഇതിന് ഒരു സന്തുലിത സമീപനം ആവശ്യമാണ്, അദ്ദേഹം കൂട്ടിച്ചേർത്തു.
ദത്തോപന്ത് ജി രാജ്യസഭയിലേക്ക് തെരഞ്ഞെടുക്കപ്പെട്ടപ്പോൾ, ആർഎസ്എസിന്റെ സർസംഘചാലക് ആയിരുന്ന ഗുരുജിയോട് അദ്ദേഹം ചോദിച്ചു, ‘ തൊഴിലാളികൾക്ക് വേണ്ടി ഞാൻ എന്തുചെയ്യണം?’ ‘ഒരു അമ്മ തന്റെ കുട്ടിയോട് വാത്സല്യം കാണിക്കുന്നതുപോലെ, തൊഴിലാളികളുമായി അടുത്ത് പ്രവർത്തിക്കണം എന്നായിരുന്നു ഗുരുജിയുടെ മറുപടി.
ഠേംഗ്ഡിജി മറ്റ് തൊഴിലാളി സംഘടനകളിൽ പ്രവർത്തിച്ചു, എങ്ങനെ പ്രവർത്തിക്കാൻ കഴിയുമെന്ന് പഠിച്ചു, പക്ഷേ അവർക്ക് ശരിയായ പ്രത്യയശാസ്ത്ര അടിത്തറയില്ലായിരുന്നു. രാഷ്ട്ര ഹിതവും തൊഴിൽ ഹിതവും തൊഴിലാളി ഹിതവുമായ തത്വങ്ങളിലാണ് ബിഎംഎസ് സ്ഥാപിതമായത്. അതുകൊണ്ടാണ് അത് മുഴുവൻ ലോകത്തിനും ഒരു മാതൃകയായി മാറിയിരിക്കുന്നത്, സർസംഘചാലക് പറഞ്ഞു.
ബിഎംഎസിന് ശക്തമായ ഒരു ആശയമുണ്ട്. പക്ഷേ അത് നടപ്പിലാക്കുന്നതിനുള്ള ശരിയായ സംവിധാനം വികസിപ്പിക്കുക എന്നതായിരുന്നു നമ്മുടെ വെല്ലുവിളി. ഇന്ന്, 50 വർഷം മുമ്പ് പോലും ഉന്നയിക്കപ്പെടാത്ത ചോദ്യങ്ങൾ ഇപ്പോൾ നമ്മുടെ മുന്നിലുണ്ട്. അസംഘടിത മേഖല വളരെ വലുതാണ്, സംഘടിത മേഖലയ്ക്കുള്ളിൽ പോലും പലതും അസംഘടിതമായി തുടരുന്നു. അവരുടെ ആത്മാഭിമാനവും അന്തസ്സും പുനഃസ്ഥാപിക്കാൻ പ്രവർത്തിക്കണം. ജോലിയുടെ സ്വഭാവം പ്രദേശത്തിനനുസരിച്ച് വ്യത്യാസപ്പെടുന്നു; അതുകൊണ്ട് പ്രവർത്തനം ശരിയായ ഏകോപനത്തോടെ അടിസ്ഥാന യാഥാർത്ഥ്യങ്ങളുമായി പൊരുത്തപ്പെട്ടിരിക്കണം.
സാങ്കേതിക പരിവർത്തനം മറ്റൊരു വെല്ലുവിളിയാണ്. ഓരോ പുതിയ സാങ്കേതികവിദ്യയും ആശങ്കകൾ കൊണ്ടുവരുന്നു, അത് തൊഴിലില്ലായ്മ വർദ്ധിപ്പിക്കുമോ എന്ന് തുടങ്ങിയ ആശങ്കകൾ ഉണ്ടാകുന്നു. ഒരുകാലത്ത് ആളുകൾ മൈലുകൾ നടന്നു, പിന്നീട് സൈക്കിളുകൾ വന്നു. എന്റെ കുട്ടിക്കാലത്ത്, സ്കൂളിൽ പോകാൻ സൈക്കിൾ ഉള്ളത് ഒരു വലിയ കാര്യമായിരുന്നു. ഇന്ന്, ഒരു കാറില്ലാതെ, ആളുകൾക്ക് സഞ്ചരിക്കാൻ മടിയാണ് അറിവധിഷ്ഠിത സാങ്കേതികവിദ്യയെക്കുറിച്ച് പുതിയ കാഴ്ചപ്പാടോടെ ചിന്തിക്കേണ്ടതുണ്ട്. സാങ്കേതികവിദ്യ നിരസിക്കാൻ കഴിയില്ല – അതിനാൽ അത് സമൂഹത്തിന്റെ ആവശ്യത്തിനും തൊഴിൽ മേഖലയുടെ താൽപ്പര്യത്തിനും അനുസൃതമാക്കണം. എന്നാൽ കഠിനാധ്വാനം ഒഴിവാക്കാൻ അത് ഉപായമാക്കരുത്. സാങ്കേതികവിദ്യയുടെ ഉപയോഗം നമുക്ക് തടയാൻ കഴിയില്ല, പക്ഷേ സമൂഹത്തിന് വലിയ നേട്ടങ്ങൾ ലഭിക്കുന്നതിന് നാം അത് വിവേകപൂർവ്വം ഉപയോഗിക്കണം. ലോകത്തിലെ ഏറ്റവും വലിയ തൊഴിലാളി സംഘടനയാണ് ബിഎംഎസ്, ഉയർന്നുവരുന്ന ഓരോ സാഹചര്യവും സമൂഹത്തിലെ എല്ലാ വിഭാഗങ്ങൾക്കും പ്രയോജനപ്പെടുന്നുണ്ടെന്ന് ഉറപ്പാക്കേണ്ട ഉത്തരവാദിത്തം അതിനുണ്ട്. ലോകം ബിഎംഎസിനെ ഉറ്റുനോക്കുന്നു, അതിന് അനുസരിച്ച് ഉയരണം. സാങ്കേതിക പരിവർത്തനത്തിന്റെ യുഗത്തിൽ തൊഴിൽ, വ്യാവസായിക, ദേശീയ താൽപ്പര്യങ്ങൾ എങ്ങനെ സംയോജിപ്പിക്കാം എന്നതാണ് ഏറ്റവും വലിയ വെല്ലുവിളിയെന്ന് സർസംഘചാലക് പറഞ്ഞു.
കഴിവുകളിൽ ആത്മവിശ്വാസത്തോടെയും ലക്ഷ്യങ്ങളിൽ വ്യക്തതയോടെയും മുന്നോട്ട് പോകണം. ലോകമെമ്പാടും മാറ്റം കൊണ്ടുവരാനുള്ള ഉത്തരവാദിത്തം ബിഎംഎസിനുണ്ട്.വിജയം ഒന്നിൻ്റെയും അവസാനമാകരുത്. വന്നു, കണ്ടു, കീഴടക്കി’ എന്ന് ജൂലിയസ് സീസറിൻ്റെ വാക്കുകൾ ഓർമ്മിക്കപ്പെടുന്നുണ്ട്. പക്ഷേ അദ്ദേഹം തന്റെ മഹത്വത്തിന്റെ ഉന്നതിയിൽ മരിച്ചു. ലോകജേതാക്കളെ പലപ്പോഴും മറക്കുന്നു. എന്നാൽ 14 വർഷത്തേക്ക് രാജ്യം ഉപേക്ഷിച്ച് വനവാസത്തിന് പോയ രാമനെ ഇപ്പോഴും ഓർമ്മിക്കുന്നു. അതു കൊണ്ടാണ് അദ്ദേഹം പ്രഭു ശ്രീരാമനായത്, മോഹൻ ഭാഗവത് പറഞ്ഞു.
Discussion about this post